yar-dos

Qaraqalpaqsha (kaa)

Morfologiyalıq hám sintaksislik qásiyetleri

atlıq, yar-dos

Leksikalıq mánileri

Doslar, joralar, jaqınlar, jaqın adamlar. • Bul sózdi tınlań, yar-doslar, Abıray bergey bıyıl bizge (Berdaq). • Aǵay menen yar-doslarımnıń úylerine qıdırıp kelgennen keyin jáne biraz dem alǵan boldım (Ó. Xojaniyazov). • — Ernazardıń ákesi Mırjıqtıń hám Begistiń Xiywada hámeldar yar-dosları bar (K. Sultanov). Yar-dosların esine alıw — oylaw, eslew. • Ózi kelip oqır, júrgen jerlerin, yar-dosların esine alar,... (Ó. Xojaniyazov). Yar-dos tawıp alıw — jora-joldas izlew. • Bola qoyǵan jaǵdayda yar-dos tawıp alıwǵa bolatuǵın shıǵar? (Ó. Ayjanov). Yar-dosların muńaytpaw — joraların, dosların qapa etpew, kewlin qaldırmaw. • Dushpanǵa sırın aytpaǵan, Yar-dosların muńaytpaǵan (Berdaq).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.