yarım II

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, ya-rım

Leksikalıq mánileri

1. Bir nárseniń ortası, orta beli. • Tún yarım aqshamnan awıp ketti, múmkin endi tawıq shaqırar? (Ó. Xojaniyazov). • Al dámesin úzgenler, yarım jolda qalıp atır (K. Sultanov).
2. Tolıq emes, shala. • Aradan yarım chaynek chay ishimdey ótti (Q. Dosanov).
3. Pútinniń ekiden birine teń muǵdar. • Yarım saat samolyotta jol júrip, Shiyrin qıyal kewil úyip toltırıp (T. Seytjanov). • Kesh shıra menen is qılsań shıra sel sońına beyim yarım metrdey jerde tursın (S. Májitov). • Chayǵa salıp ishetuǵın eki par limon, yarım kilogramm mandarin aldı (Ó. Ayjanov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.