xosh III

Qaraqalpaqsha (kaa)

Morfologiyalıq hám sintaksislik qásiyetleri

xosh III (tańlaq sóz)

Leksikalıq mánileri

1. Birewdiń sózin maqullaw, tańlanıw mánisindegi qollanılatuǵın tańlaq sóz.
2. Yaqshı, maqul, durıs. • Xosh, kópten beri dáreksiz júrgen awıldıń bir jigitlerinen xat kelip bir jasap qaldıq (Ó. Xojaniyazov).
Xosh hawaz — hawazlı, dawısı, jaqsı, júdá jaǵımlı dawıs, aytqısh. • Xosh hawazıń tal jipektey suwdırap, Lapızınday shaykatılǵan qobızdıń (K. Sultanov). Xosh iyis — jaqsı iyis. • Ol awzın ashıp, esnep, xosh iyisli azanǵı hawadan tereń demin aldı (A. Bekimbetov). Xosh bolıw — maqul kóriw. • Al dese, xosh bolar kewli mollanıń, Ber dese, tárip eter hámirin Allanıń (Ájiniyaz). Xosh keliw — waqtında keliw, júdá jaqsı keliw. • Xosh keldińiz, dedi Ayshagúl jaqınlasıp qızlarǵa (Ó. Xojaniyazov). Xosh kóriw — unatıw, jaqsı kóriw. • Eger kewlińiz xosh kórse onı alıp kelemen,... (A. Bekimbetov). Kewli xosh — yoshlı, más. • Zawıq etpedi zalımlar kewlimniń xoshın, Jedik bárha baydıń dúmpishin, mushın (Ótesh). Waqtı xosh — júdá kewilli, júdá más. • Ráwshannıń oǵada waqtı xosh (J. Aymurzaev). Xosh qılıqlı — quwanıshlı, kewilli. • Qálem qaslı xosh qılıqlı nigarım, Zarıgiryan etti nege kelmedi (Ájiniyaz).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.