sabalaw

Qaraqalpaqsha (kaa)

Morfologiyalıq hám sintaksislik qásiyetleri

feyil, sa-ba-law

Leksikalıq mánileri

1. Qamshı, tayaq, mush, temir sıyaqlı nárseler menen ústi-ústine, tez-tez, qayta-qayta urıw. • Jaman adam qońsısın tabalaydı, qonaǵın jaqgırmaǵan balasın sabalaydı (J. Aymurzaev). • Atlı birew aldındaǵı eki piyadanıń ókshelerin bastırıp, uzın sırıq penen sabalap, awılǵa kirip kiyatır (T. Qayıpbergenov). 2. awıs. Siltew, qaǵıw, talpınıw. • Qabırǵası mayırılǵan qustay aldına mantıǵıp, qırǵa talpınıp, qanatın sabalaydı (K. Sultanov). • Usı demde jawın burınǵıday da pátlenip, kiyiz úzikti sabalap atırǵanday bolıwına qaramastan, mańlayı jıyırılǵan adam bolmadı (T. Qayıpbergenov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.