saat

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-at

Leksikalıq mánileri

1. Waqıttı kórsetetuǵın qural, ásbap. • Erpolat saatına qaradı (N. Dáwqaraev). • Barları meniń menen jarısqanday, qol saatlarına qayta-qayta úńilip, tıpırshılap otır (T. Qayıpbergenov). • Saatıma qarasam, sarras on eki saat uyqılaǵan ekenmen (M. Nızanov).
2. Belgili bir ólshemge teń waqıt ólshemi, mezgil. • Márttiń mártligin sınaytuǵın saat kelgen edi (K. Kárimov). • Burın ádetlenbegenlikten be, bir saat otırıwǵa da shıdamay meniń belim awıra berdi (T. Qayıpbergenov). • Bayaǵı bir saparı bir yarım saat samolyotta otırǵanbız, shaqmaq tınǵansha (M. Nızanov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.