fakt

Qaraqalpaqsha (kaa)

Morfologiyalıq hám sintaksislik qásiyetleri

atlıq, fakt

Leksikalıq mánileri

1. Háwes ete almaytuǵın bar nárse, haqıyqıy waqıya, hádiyse. • Bunı shayır konkret fakt tiykarında jazǵan (N. Japaqov). Allergiya haqqında payda bolǵan, hárbir fakt — biziń bilimimizdi arttıradı (T. Eshanov). Mine haqıyqatlıqtıń faktları — onı kórsetti (T. Nájimov).
2. Qanday da bir nárse haqqında juwmaq shıǵarıw, haqıyqat bir pikirge keliw ushın xızmet etetuǵın nárse, tiykar. • Biz qaraqalpaq tilinde qollanılıp kiyatırǵan geypara sózlerdiń mánileriniń tariyxıy dáwirler dawamında ózgeriw faktların qarastırıp kóreyik (E. Berdimuratov).
3. Anıq, shın, ras, mısal, dálil, dokument. • Qızdı teksergende tabılǵan faktlardı juwmaqlastırıp, tez waqıttıń ishinde sud-medicinalıq ekspertiza onı tekseriw orınlarına tapsırdı (Á. Paxratdiynov). Ájiniyazdıń qızlardı maqtaǵan shıǵarmaları shıǵıs poeziyasınıń tásirinde bolǵanlıǵınan derek beretuǵın faktlar seziledi (Q. Ayımbetov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.