dabıl

Atlıq

Ańǵa yamasa sawashqa shıqqanda xabar beriw, bir nárseni bildiriw ushın qaǵatuǵın qattı gúmpildep dawıs beretuǵın ásbap, qural. Aldına dabıl óńgerip, Keynine sawıt bókterip, Aqtamkerdiń jılawın, Ońǵarıp jolǵa saladı («Er Ziywar»). Tilladan marjan taqtırsın, Xalqına dabıl qaqtırsın («Alpamıs»). Dabıl qaǵıw - a) baraban urıp xabarlaw. Urıs sebgil boldı dep, Eki jaqtan dabıl qaǵadı «Er Ziywar», b) shawqım shıǵarıw; v) awıs. xabarlaw, bildiriw, málimlew, hámmege jayıp shıǵıw.