Tamır

Qaraqalpaqsha (kaa)

Morfologiyalıq hám sintaksislik qásiyetleri

Atlıq, ta-mır

Leksikalıq mánileri

1. Ósimliklerdiń túbiri, jerden azıq alatuǵın negizi. • Tereń tamır urǵan sawlatlı shınar, Balta tiyse birden japıraq tóger (I. Yusupov).
2. • Qan júretuǵın jumır bileginen taralǵan tamırları ádewir-aq bilinip turadı (J. Aymurzaev). ... • keseldiń tamırın uslap kórdi (A. Bekimbetov).
3. awıs. Yardos, jaqın-juwıq, kewiljaqın. • Bizge de óte jaqın tamır bolsań, Qashıq emes awılım barıp qonsań (Ájiniyaz). • Tórkini menen tamırdı, Bir qatar bárin shaqırdı (A. Dabılov).
4. awıs. Bir nárseniń shıqqan, baslanǵan jeri. ♦ Tamır uslaw — tamır arqalı awırıwdı tabıw, awırıwdıń awhalın bayqaw. • Aysánem attan túsip, Gúlsánemniń tamırın usladı (J. Aymurzaev). ♦ Tamır urıw — a) ósiw, órbiw, taralıw, órkenlew. • Tawǵa órmeley ósip turǵan qaraǵay, tamır urǵan tarǵıllanǵan tasına (X. Seytov). • Turdı aldımda minezi awır baladay, Jerge berik tamır urǵan qaraǵay (G. Esemuratov). b) tamırı júriw, tamırı soǵıw.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.