Salt I

Qaraqalpaqsha (kaa)

Morfologiyalıq hám sintaksislik qásiyetleri

atlıq, salt

Leksikalıq mánileri

Dástúr, ádet, úrp-ádet. • Bunda doslıq saltına jan súyiner, Jatırqamay aralasań eger sen, Hár sháhárli, hár diyqannıń úyinen, Óz úyińniń jıllı lebin sezerseń (I. Yusupov). • Sonda da Jámiyla dúzden kelse, usı úydiń bir jaqını dep sezgendey eljirep qarap, geyde dalada kórse aldına juwırıp shıǵadı, biraq Jámiyla bawırı bursa da, ata-babadan kiyatırǵan salt boyınsha salqın keyip penen tek jıllı júz kórsetip, qarsı aldında kiyatırǵan Áskerbayǵa: «Há, enemniń balası... Aynalayın! Saw júrseń be? Enem úyde me?» dep qolınan jetelep, sóylenip úyge kiredi (K. Sultanov). • Sózdiń saltı — sózdiń baǵdarı, mánisi. Bul aytqan sózdiń saltına, qaramadıń dayı Bekjan (Omar). • Qurban kókshiniń sóziniń saltı «bolǵanı sol» kelisse de, kelispese de (M. Abdireyimov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.