Salpı

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, sal-pı

Leksikalıq mánileri

Salbıraǵan, iymeygen, úlken, uzın. • Eshegińniń tamaǵı toq, qulaǵı salpı jalı joq (Berdaq). • Perixan attıń salpı erinlerin alaqanı menen sıypalap: — Túsinemen, janıwarım, — dedi jılamsıraǵan hawaz benen, ıǵbalım kelispedi (T. Qayıpbergenov). • Jabaday salalı qolların kóterip, qalǵıǵan kisidey qalıp hám salpı qabaǵın kirpikleri ayqasqansha súzip, etli urtı menen qalıń erinlerin jıbırlatıp, úydiń amanlıǵına duwa oqıdı (K. Sultanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.