Sala

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-la

Leksikalıq mánileri

1. Tarmaq, arna, ańǵar. • Jolatpay onı qalaǵa, Eki ólikti dalaǵa, Qarǵa jıynalǵan salaǵa, sol máhál taslaǵan eken (Berdaq). • Jerim qarabaraq teńiz jaǵası, Otırǵanım Kókózektiń salası (Ótesh). • Kókózektiń, Esimózektiń, Qarabaylınıń salaları quysa kerek (K. Kárimov).
2. Ashıq maydan, alań, dala. • Úsh ay shabıs áyne eǵis waǵında, Keń salada tarı egip júr edim («Máspatsha»). Qoldıń salası — alaqannıń, qoldıń kólemi. • On sawsaǵıń oń qolıńnıń salası, Qashıq emes ekewiniń arası (Berdaq). Sala qulash — uzın, úlken, náhán. • Aytqanım sózdiń ırası, Berdaqtıń qabıl kóz jası, sala qulash hár bir bası, Názer saldı «quda» bizge (Berdaq). • Sala qulash sarı sazan, Sorpası boldı bir qazan (J. Aymurzaev).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.