Sadaqa

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-da-qa

Leksikalıq mánileri

1. Mollalarǵa,tilenshilerge, diywanalarǵa, jarlı hám mútáj adamlarǵa beriletuǵın qayır nárse. • Jaqında ǵana biziń apam túsinde qorqıp, usı kisige jup nan sadaqa bergeni esimde bar edi (T. Qayıpbergenov). • Adamlar meni «biysharanıń eki ayaǵı dizesinen tómen islemey qalıptı» dep ayap, kóbirek sadaqa beredi (M. Nızanov). • «Sadaqanı sawda ber», - dep qayırlı naqılın («Qırq qız»). 2. Qudaydıń jolına, áwliyelerge hám qaza tapqanlardıń jolına beriletuǵın qayır, qurbanlıq, awqat, mereke. • Baxtıma úydiń ishi bir sadaqaǵa ketti (M. Nızanov). • Tamaqtı kórip, kirgen úyimizdiń álle qanday bir sadaqası shıǵar dep onlaǵan edim (T. Qayıpbergenov). • Jıl sadaqasınan soń áwliye basına barıp kelip, birinshi márte tórge shıqtı (M. Nızanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.