Sadaǵa

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-da-ǵa

Leksikalıq mánileri

Qurban, pidá. • Men bolayın aǵa sennen, sadaǵa, gúńlik penen kúyip óttim dúnyadan («Qırq qız»). Sadaǵań keteyin — ırazı bolıw, qayıl qalıw, kewli tolıw. • Adamlar bar: ózimshillik biyleydi, «Ázim» dese, basqalarǵa iymeydi, Sadaǵań keteyin, Saadiy aytqan ǵoy: «Ózin súygen ózgelerdi súymeydi» (I. Yusupov). • — O-o, sadaǵań keteyinler-áy! Aytpaqshı, jáne bir sırdı bileseń be? (T. Qayıpbergenov). • — Oay, sadaǵań keteyin kátquda adamdı qoysesh! — dep, sháwkildep kúlip, entigip sóyledi (K. Sultanov). Sadaǵası ketsin — ırazı bolmaw, qayıl qalmaw, kewli tolmaw. • Muǵallimnen ketsin óziń sadaǵa — Qaraǵısız elge, bala-shaǵaǵa - Adam etin jeytin xaywan boldıń ba? (I.Yusupov). • -Qoysań- á, sadaǵası ketsin onday sawaptıń! Qayaqtıń músápiri ol —álle netken bir urǵashı dep aq sút bergen anasına, uwızday kelinshegine, gúldey nárestesine qaramaǵan iymansızdı... (M. Nızanov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.