Oq

Qaraqalpaqsha (kaa)

Morfologiyalıq hám sintaksislik qásiyetleri

atlıq, o-q

Leksikalıq mánileri

Bir nárseni óltiriw, jaralaw ushın temirden, shoyınnan yáki qorǵasınnan islenilip atıwǵa arnalǵan zat. • Sol topılısta meniń oń ayaǵıma snaryadtıń oǵı tiyip julıp ketti (Ó. Xojaniyazov). • Atıldı jawǵa, mıltıqlar, Oq jawınday quyıldı («QQ. x. q.»). ♦ Oq kirpik-kirpigi shanshılıp tik turǵan, tik kirpik. • Qası jayday kirpigi oq, Hesh jeriniń múltigi joq (Ótesh hám Omar). • Oqqa ushıw—oq tiyip óliw. Jan apa-jan seni jawda qaldırmay, Alıp shıǵar oqqa ushıp ólmese («Qırq qız»). • Talay adamnıń oqqa ushqanın kórip edim, biraq onıń jıǵılǵanınday jıǵılǵandı kórgenim joq («Ád. xr.»). Oq jaraq—oq; hám qurallar, atıw dáskeleri. • Oq jaraqtı jasırǵan jerinide sezdim (K. Sultanov). • Tabıwǵa taptım-aw, biraq biziń garrı ol sandıqqa oq-jaraqtan bóten hesh nárse salmaǵan eken (A. Bekimbetov). Oq-dári—atıw qurallarına kerekli kerek-jaraqlar.

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.