Nálet

Atlıq

Ǵarǵıstıń túri, keyigende, renjigende, ashınǵanda aytılatuǵın sógis. Adamnıń janın túrshiktiretuǵın bunday sózge úyrenbegen ǵarrı, kókiregin shalaǵa órtetip, ishinen nálet aytıp, keyin qaray sheginip ketti (Ó. Ayjanov). Jası kishige sózin shashqan, Náletlerden qarız alma (Ótesh). ♦ Nálet jawǵır — ǵarǵıs sógis. Nálet jawdırıw — ǵarǵıstı jawdırıw, sógiw. Bulay jarlı qılıp juwanlarǵa jem bolıp jasaǵanlarǵa bir talay náletti jawdırıp jatıp jıladı («Qızıl muǵallim» jurnalı).