ızǵarlı

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, ız-ǵar-lı

Leksikalıq mánileri

Iǵallı, hólli, lámli. • Óytkeni oydaǵı ızǵırıq jel, ızǵarlı hawa rayı biziń jerde de jiyi-jiyi bolıp turadı ǵoy, kónip ketti (Ó. Ayjanov). Izǵarlı — (awıspalı) ashıwlı, kekli. • Kátqudalar menen jasawıllardıń tum-tustan qaraǵay ızǵarlı kózleri Qosıbaydıń gá gewdesine, gá bet aldına nayzaday shanshılıp tur (K. Sultanov). • — Piyrim kele bersin dep otırman, — dedim kúlip. Bul gáp oǵan sál ızǵarlı túyildi (M. Nızanov). Izǵarlı kúlki — ashıwlı, kekli kúlki. • Ótemurattıń kózine ızǵarlı kúlki quyılıp keldi (K. Sultanov). • —Haqqıńnan! — dep ızǵarlı kúldi Gúlshira (M. Nızanov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.