ızǵırıq

Qaraqalpaqsha (kaa)

Morfologiyalıq hám sintaksislik qásiyetleri

atlıq, ız-ǵı-rıq

Leksikalıq mánileri

Húwlep esken suwıq samal, jel. • Eger mınaw balalarday bolıp jumıs isleseńiz qasıńızǵa bunday ızǵırıq túwe onıń ákesi boran da jolamaydı (T. Qayıpbergenov). • Kúnniń ǵıjlaǵan háwirinen qańbaqtay quwrap, elpildep turǵan kókteǵi juqa, kógis, aq bultlar ızǵırıqtan jerkengendey tarap ketti (K. Sultanov). Izǵırıq samal — ızǵırıp esken suwıq samal, jel. • Kúnnen-kúnge jalańashlanıp atırǵan tábiyat, kútpegende kógildir aspandı qaplap alǵan qoyıw bult, ızǵırıq, jaǵımsız samallar onnan sayın meniń úskinimdi quyıldıradı (M. Nızanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.