ızıń

Qaraqalpaqsha (kaa)

Morfologiyalıq hám sintaksislik qásiyetleri

atlıq, ı-zıń

Leksikalıq mánileri

Izıńlaǵan ses. • Esheyinde ızıń qaǵatuǵın quwraq qamıslardıń bası da qaldıramay, tozańı shıǵıp úrpeyisip tur (Ó. Xojaniyazov). Izıń qaǵıw — ses shıǵarıw. • Izıń qaǵıp eser samalıń, Tal japıraǵın julqılap birden, Sarı sınlı qızday jamalıń, Sarı altınǵa tolǵanday irgeń (T. Seytjanov). Izıń-ızıń suwıq — ses shıǵarıp esken suwıq samal. • Izıń-ızıń suwıq, samal esedi. Izıldasıp ekpe-bawırıń tesedi (E. Shamuratov). Izıń-sızıń sóz — emeski xabar. • Biraq ta ol haqqında anaw-mınaw ızıń-sızıń sóz esitsem de, kózim kórmegen soń inanǵım kelmeydi (E. Shamuratov). • Oral menen Sapar birin-biri táwir kóredi, dep burın awıldaǵı bala-shaǵadan ızıń-sızıń sóz esitiwi bar, onıń durıslıǵın ya nadurıslıǵın ózi de bilmeytuǵın edi (M. Abdreymov). • Izıń-sızıń sóz bolıp kóshtiń izine erdi (J. Aymurzaev). • El arası ele ızıń-sızıń sóz (T. Qayıpbergenov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.